Islands

ದಿನವೂ ಬಲ್ಲವರನ್ನು ಕೇಳುತ್ತೇವೆ 

ಹೇಗಿರುವೆ ಎಂದು 

'ಪರವಾಗಿಲ್ಲ, ಚೆನ್ನಾಗಿದ್ದೇವೆ' ಎಂಬ 

ಉತ್ತರ ಮಾತ್ರ ಎದುರು ನೋಡುತ್ತೆವೆ 

 

'ನನ್ನ ಮನದ ಮಾತುಗಳೆಲ್ಲವ 

ಹೇಳುವೆ, ಕೇಳುವೆಯ?' ಎಂದರೆ 

ನಮ್ಮಲ್ಲಿ ಸಿಡಿಮಿಡಿ

'ಇನ್ನೊಮ್ಮೆ ಆಗಲಿ' ಎಂಬ ಜಾರುತ್ತರ 

ಸೋಕರೂ ತಾಕದಂತ ಸ್ನೇಹ-ಸಂಬಂಧಗಳು 

ವೇಳೆಯಿದ್ದರೂ ಇಲ್ಲದಂತ ಅವಸರ 

ಬಿಟ್ಟು ಮುಂದೆ ಹೋಗುವ ಧಾವಂತ 

'ನಡುವೆ ಅಂತರವಿರಲಿ' ಎಂಬ ಭಾವ 

 

ಪ್ರತಿಯೊಬ್ಬರೂ ದ್ವೀಪವಾದರೆ 

ನಮ್ಮನ್ನು ಒಂದು ಮಾಡುವ ಸೇತುವೆಗಳೆಲ್ಲಿ?